قسم بلدنا ... إضافة جديدة

بسم الله الرحمن الرحيم

كل ما أريد ان أقوله

فكرة كلا من محمد الحنون ..و جولدن و حوس و الزعيم وأنا المؤيد لهذه الفكرة

الفكرة كالتالى .... تشمل

سيتم عمل إضافة قسم جديد فى المنتديات العامة وو هوو قسم ( بــــــلدنـــا ) ويعنى هذا القسم

ومنطلق البداية من قريتنا ومن ثم إلى أخر

يعنى الموضوع ببساطة ما يشابه جمعية خيرية

عملية نظافة للقرية وتقليمها بالأشجار

الفكرة دة بصراحة جامدة ومن هنا نبتدى من نفسنا

طبعا ها يرأس هذه الفكرة واحد مننا قد يكون محمد الحنون أو حوس الله وأعلم

ووووووووو المطلوب

من يريد الأنضمام إلينا من القرية . يتفضل يضيف رد او فكرة يقول بردوو

دالوقتى

انا وحوس والزعيم وجولدن وعلى رأسنا الحنون

جااااهزين للفكرة ولكن فى إنتظار الباقى
وأعتقد إنى هاوى والرومانسى وزيزو مفيش أى مشكلة بالنسبة لهم فى الاشتراك معانا

أريد منكم الرد .... شكراااا

والله بجد موضوع تمام والفكرة اجمل

وانا معاكم فى الموضوع ده

اصل بصراحه انتو شايفيين البلد عاملة ازاى

وبردو لسه هيكون فى افكار واقتراحات كتير لما نتشاور

وربنا معانا ونحقق اللى احنا عاوزينه

ان شاء الله

السلام عليكم
اولااااااا اعرفكم بنفسى

انا كريم فتحى مبارك من كفر مويس

ثانيا
الفكره دى جميله جدااا وانا هبدا بالموضوع الى ممكن يكبر المنتدى

والفكره دى انا مجهزها مع الحنون وزيزو

بالقطع مش عايزه راى انى معاكم

وده اللى بحلم بيه من زمان والله

ونفسى بلدنا تتفوق على المدن فى كل شئ

تماااااااااااااااااااااام

الله معاكو

وربنا يتمم اللى فية الخير

موضوع اكثر من رائع والله
واتمنا شيئ واحد فقط من الجميع
ان نعتبر قريتنا هي بيتنا
فلابد ان يكون البيت نظيف وجميل
وصحي!!! انتم شايفين منظر مداخل البلد
منظرهم غير حضاري بالمرة
واتمنا اي غريب يدخل البلد يقول الله البلد جميلة
وان دل ذالك فيدل علي جمال اهلها ونظافتهم
وهذا هو الهدف من ذالك والله الموفق
وانا اول المساهمين مع الجميع واتمنا الجميع اخذ الموضوع بجدية تامة

كدة تمام ومستنين باقى الاعضاء

وان شاء الله المنتدى هيكون سبب فى تطور البلد ونضافتها

واتمنى ان الجميع يأخذ الفكرة بجدية

وانا باطلب من المشاركين فى الحمله انهم يقولوا البرنامج

والاعمال اللى هانقوم بيها

فى القسم دة بحيث ان الكل يعرف احنا هانعمل اية ؟؟

واللى هايقدر يشترك معانا يسيب رد واحنا هانعمل ميعاد محدد لكل مرة هانقوم بيها

بعمل شىء فى البلد

وكان الله فى عون العبد مادام العبد فى عون أخيه

انا اكيد موافق باذن الله

وان شاء الله هاتكون خطوة صح فى طريق الخير

بس احنا عايزين افعال تكون مميزة

وانا معاكو

بسم الله نبدأ

على بركة الله

بس فين باقى لااعضاء

مش شايف حد كتير

وزى ما البرنس قال عاوزين افعال مميزة

تمام اوى والله انا فرحان بجد بحماس شباب بلدنا

وان شاء الله نعمل حاجة للبلد ونحاول نغير حاجات كتيير

وتكون البداية باذن الله من عندنا من منتدنا وبكدة نكون

وصلنا بالمنتدى ومن قول الى فعل

ونقول (بســــــــــــــــــم الله) نبتدى

ان شاء الله الخطوة الاولى هتكون تقليم الاشجار اللى فى مقابر مويس

وجمع القمامة من المقابر وحرقها ورى جميع الاشجار الموجودة بها

وان شاء الله هيكون كل خميس من كل اسبوع

وعلى كل الاعضاء اللى عايزين يشتركو معانا نتجمع عند الوزير بعد العشاء للتشاور

ان شاء الله تمام

طبعا مش محتاجة انى اقول انى معاكم لانى ده والله لو بأيدى لأخليه
اجبارى على كل واحد منناوياريت تكون فىاجيابية مننا و الــــــــــــ مش عاوز يشترك على الا قل يشجعنا وفى الاول والاخر دى تجربة بس ان شاء الله تكون على درجة كبيرة من الجديةوتستمر بينا وبيكم وده شرف لينا وان شاء الله نخلى بلدنا دى جنة الناس يتحاكو بيها ودعواتكم

دا العادى بتاعك يا مهاجر لانك فعلا محب للعمل العام

وان شاء بمشاركتك مع باقى اعضاء منتدنا الكرام نعمل حاجة حلوة للبلد دى

يا شباب بلدى يا غالى
تفكيرك دايما فى العلالى
هقوم واصحصح بلدى عاوزانى
فيه كام شغلانة محتاجنى
هعملها وهفكر ثوانى
ايه اللى ممكن ينعمل تانى
والناس اللى مش عارفانى
وتنقدنى ويقولوا فاضى
بس

النقد لينا ما يساويش
أحلام وامال ما تنتهيش
عندى شباب لازم يعيش
أتعلم وبيفكر لناس ما تساويش
وفى الاخر يقولوا ..
روحو دورو على لقمة عيش

ومين قال انى احنا فاضيين
ده الشغل بيضاردنا فى كل حين وحين
بس احنا اللى مستنين
حاجة أفضل
تعيش سنين وسنين

عملنا ايه غلط
دا شباب ناوى يلم الزلط
ويقلم الشجر مستخدم البلط
ويستخدم الشوكة والبراويطة
فى أشياء محتوتة غلط

والناس اللى ورانا
يتمنوا لؤانا
ويجوا ويانا
ويفكروا ويدبروا ويشتغلوا معانا

دى مش شغلانة قبل ما تكون هزار
ضحك وفرفشة طول النهار
وبنشغل وقتنا فى الاستثمار
وهنرفع شعار
لا بد من التغيير والإصلاح والعمار

***********
*******
****
**

لـ كاتبها

الــزعـــيــم

الله الله الله ياازعيم رااائع بجد

ياريت نبداء بقي في التغير والاصلاح والاعمار

وزي ماقولت دي مش شغالنه دي هاتكون ضحك وهزار بس هاتكون بفيده في الاخر

اتمني بعد ما الناس تخلص امتحانات نبقي ايدي وحده نحو الاصلاح والتعمير

تسلم ايدك بجد والله يا زعيم
رائع كلام هادف وحماسي جدأأأ
تخلص الامتحانات وشوف الشباب هيعمل اية
دة الشباب ناوي يلم الزلط
ويقلم الشجر مستخدم البلط
وبالشوكة والبراويطة يلم ويشيل حاجات محطوطة غلط
تسلم ايدك

الله الله يا زعيم

وان شاء الله الكل هايبقى موجود بعد

اول يوليو باذن الله

بجد روعة يا زعيم قصيدة جامدة كالعادة

وان شاء الله بلدنا هتتغير بأيدينا

قصيدتك دى اكبر تشجيع لينا وانا بشكرك بجد على القصيدة الرائعة دى

انتظرونا اول سبعه ان شاء الله

واكيد البلد هاتغير علي ايدينا وعلي ايدي شباب البلد

انتظروني قريبا وهكون معاكم ان شاء اللة
وان شاء اللة البلد هتتغير علي ايد المنتدي والمشتركين

شكرأ مرورك يا فارس الرومانسية
ويشرفنا طبعا كل واحد همة علي بلدة
بس ارجوك شوف رسالتي الخاصة ليك الاول لانها مهمة جدأ وارجوك تتقبل كلامي

تم حزف المساهمة

وتم ايقاف العضو

لسوء السلوك

محمد الحنون

اظن الرسالة وصلت

والحدق يفهم

بجد القصيدة جامدة يا زعيم

بس فين الناس الى كانت متحمسة للفكرة

ولادى كانت شعارات وخلاص

» ..............بلدنا الافضل..........
» انتخابات مركز شباب بلدنا